Connect with us

    கள்ளக்காதலில் பிறந்த குழந்தையை கல்லைக் கட்டி கிணற்றில் வீசி கொன்ற கொடூர தாய்; நெஞ்சை உலுக்கும் பகீர் சம்பவம்..!!

    Woman thrown out a new born baby into well

    Tamil News

    கள்ளக்காதலில் பிறந்த குழந்தையை கல்லைக் கட்டி கிணற்றில் வீசி கொன்ற கொடூர தாய்; நெஞ்சை உலுக்கும் பகீர் சம்பவம்..!!

    தாராபுரம் அரசு ஆஸ்பத்திரியில் கள்ளக்காதலில் பிறந்த பச்சிளங் குழந்தையின் உடலில் கல்லைக்கட்டி பெற்ற தாயே கிணற்றில் வீசி கொலை செய்த கொடூர சம்பவம் பெரும் பரபரப்பை ஏற்படுத்தியுள்ளது.

    Woman thrown out a new born baby into well

    திருப்பூர் மாவட்டம் தாராபுரம் அரசு ஆஸ்பத்திரியில் கடந்த 24-ந்தேதி இரவு நிறைமாத கர்ப்பிணி ஒருவரை 40 வயது மதிக்கத்தக்க ஆண் ஒருவர் அழைத்து வந்து பிரசவத்திற்கு சேர்த்தார்.

    அவர்கள் திண்டுக்கல் மாவட்டம் ஒட்டன்சத்திரத்தை சேர்ந்த சுப்பிரமணி என்றும், அவரது மனைவி சவுந்தரமணி (வயது 40) என்றும் முகவரியை ஆஸ்பத்திரியில் தந்தனர்.

    அப்போது அங்கு பணியில் இருந்த செவிலியர்கள் டாக்டர்களிடம் தெரிவித்தனர்.

    அப்போது பிரசவத்திற்காக வரும் வந்த பெண்ணை உடனடியாக அனுமதிக்குமாறு டாக்டர்கள் தெரிவித்தனர். .

    இதையடுத்து செவிலியர்கள் அந்த பெண்ணை மருத்துவமனையில் பிரசவத்திற்காக அனுமதித்து சிகிச்சை அளித்தனர்.

    சிறிது நேரத்தில் அந்த பெண்ணுக்கு சுகப்பிரசவத்தில் ஆண் குழந்தை பிறந்தது.

    பிரசவத்தில் தாய் மற்றும் குழந்தை இருவரும் ஆரோக்கியமாக இருந்ததால் அவர்களுக்கு தேவையான மருத்துவ உதவிகளை வழங்கி விட்டு செவிலியர்கள் சென்று விட்டனர்.

    25 ஆம் தேதி அதிகாலையில் 5 மணிக்கு செவிலியர்கள் குழந்தை பெற்ற தாய் மற்றும் குழந்தையை மருத்துவ பரிசோதனை கூடத்துக்கு அழைத்து செய்வதற்காக வார்டுக்குள் சென்று பார்த்தனர்.

    இதனால் அதிர்ச்சி அடைந்த செவிலியர்கள் பல்வேறு பகுதிகளில் தேடிப்பார்த்தும் அவர்கள் கிடைக்கவில்லை. இதனை அடுத்து மருத்துவமனை தலைமை மருத்துவரிடம் இது பற்றி தகவல் தெரிவித்தனர்.

    அதன் பேரில் தலைமை மருத்துவர் சிவபாலன் உடனடியாக தாராபுரம் போலீசாருக்கு தகவல் தெரிவித்தார்.

    அதைத்தொடர்ந்து மருத்துவமனைக்கு வந்த காவல்துறையினர் அங்கு பொருத்தப் பட்டிருந்த கண்காணிப்பு கேமரா காட்சிகளை ஆய்வு செய்தனர்.

    பிரசவத்துக்காக அனுமதிக்கப்பட்ட பெண் யார்? எதற்காக திண்டுக்கல்லில் இருந்து தாராபுரம் அரசு மருத்துவமனைக்கு வந்து சிகிச்சை பெற்றுக்கொண்டார் என்பது குறித்து விசாரணை நடத்தினர்.

    இந்த நிலையில் அவர்கள் கொடுத்த முகவரிக்கு சென்ற போது அது போலியான முகவரி என்பது தெரியவந்தது.

    மேலும், அந்த முகவரியுடன் குறிப்பிட்டிருந்த செல்போன் எண்ணை அழைத்தபோது போனை எடுத்தவர் திடீரென இணைப்பை துண்டித்துள்ளார்.

    இதனால் சந்தேகம் அடைந்த தாராபுரம் போலீசார் கண்காணிப்பு கேமராவில் பதிவான பெண்ணின் புகைப்படத்தை வைத்து அந்தப்பெண் யார்?, எந்த ஊரைச் சேர்ந்தவர் என விசாரணை மேற்கொண்டனர்.

    விசாரணையில், அந்தப் பெண் திண்டுக்கல் மாவட்டம் அப்பனூத்து பகுதியைச் சேர்ந்த சுப்பிரமணி என்பவரின் மனைவி சகுந்தலாமணி (40) என்பதும், சுப்பிரமணி சில ஆண்டுகளுக்கு முன்பே இறந்து விட்டார் என்பதும் தெரியவந்தது.

    மேலும் அவர்களுக்கு 18 வயதில் ஒரு மகன் உள்ளார்.

    இதையடுத்து போலீசார் சகுந்தலாமணியை தேடிப்பிடித்து அவரிடம் விசாரணை நடத்தினர்.

    இதில் திடுக்கிடும் பல தகவல் வெளியானது. அவருக்கு பிறந்த குழந்தை கள்ளக்காதலில் பிறந்தது என்றும், இதனால் அவர் அந்த குழந்தையை கிணற்றில் கல்லைக்கட்டி வீசி கொலை செய்ததும் தெரிய வந்தது.

    சகுந்தலாமணிக்கும், பக்கத்து தோட்டத்தை சேர்ந்த டிராக்டர் டிரைவரான ரத்தினசபாபதி (40) என்பவருக்கும் கள்ளக்காதல் ஏற்பட்டுள்ளது.

    இதில் அவர் கர்ப்பம் அடைந்துள்ளார். நிறைமாத கர்ப்பிணியாக இருந்த சகுந்தலாமணியை தனது உறவுக்கார பெண் என்று கூறி மருத்துவமனையில் ரத்தினசபாபதி பிரசவத்துக்காக சேர்த்துள்ளார்.

    மருத்துவமனையில் குழந்தை பிறந்த பிறகு யாருக்கும் தெரியாமல் குழந்தையுடன் தப்பிச் சென்றுள்ளார். கள்ளக்காதலில் பிறந்த குழந்தை என்பதால் உறவினர்கள் கேவலமாக பேசுவார்களே, தன்னை ஒதுக்கி வைத்து விடுவார்களோ என்று சகுந்தலாமணி குழந்தையை கொலை செய்ய முடிவு செய்துள்ளார்.

    இதையடுத்து தாராபுரத்தை அடுத்துள்ள காட்டம்பட்டி பகுதிக்கு சென்று குழந்தையின் உடலை கல்லைக்கட்டி கிணற்றில் வீசி கொலை செய்துள்ளார்.

    இன்ஸ்பெக்டர் மணிகண்டன் மற்றும் போலீசார் அந்த கிணற்றுக்கு சென்று பார்த்தபோது குழந்தையின் உடல் மிதந்து கொண்டிருந்தது.

    அதனை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.

    Continue Reading
    To Top
    error: Content is protected !!